fjárlög 2024.
Virðulegur forseti. Ég þakka hv. þingmanni fyrir seinna andsvarið. Stundum verður manni fátt um svör og mér líður þannig akkúrat núna. Ef ég skil hv. þingmann rétt er hann í raun og veru að halda því fram hér í ræðustól þingsins að ástæða verðbólgunnar sé aðflutt erlent vinnuafl á Íslandi. (EÁ: Þið segið það sjálf í nefndarálitinu.) Ég bara spyr hv. þingmann, sem ég reyndar get ekki í þessu andsvari. (Gripið fram í.) Ég bara skil ekki svona umræðu. Auðvitað hefur þetta áhrif, það kemur fram í nefndarálitinu, en ég sé ekki hvernig íslenskt efnahagslíf á að fúnkera öðruvísi en með þessu ágæta fólki sem hér er að vinna fyrir okkur störfin úti um allt land. Þær verðbólguletjandi aðgerðir ríkisstjórnarinnar sem hv. þingmaður kallar hér eftir — það er fjárlagafrumvarpið. Það er fjárlagafrumvarpið.